Ամուսնական երջանկությունը գալիս է միայն երեք տարի անց

Ամուսնական կյանքում լիարժեք ներդաշնակությունը գալիս է ամուսնությունից 2 տարի 11 ամիս և 8 օր անց: Նման եզրակացության եկել են բրիտանացի մասնագետները` մասշտաբային սոցհարցման արդյունքում: Այս մասին գրում է express.co.uk-ը:

Ուսումնասիրողները ավելի քան 4 հազար ամուսնացած մարդու շրջանում անցկացրել են սոցհարցում: Ամուսնական կյանքից ավելի գոհ են եղել այն զույգերը, որոնց ամուսնությունն արդեն երեք տարվա պատմություն է ունեցել:

Ինչպես բացատրում են գիտնականները, հենց այդ ժամանակ են զույգերը համակերպվում միմյանց սովորություններին, որոնք նախկինում դժգոհության առիթ էին դառնում: Բացի այդ այս էտապում ամուսինների մոտ առաջանում են ապագայի համատեղ ծրագրեր:

Նաև մասնագետները նշում են, որ 2 տարի 4 ամիս անց զույգերի սեքսուալ կյանքը նույնպես դառնում է ներդաշնակ: Հենց այդ շրջանից սկսած են տղամարդիկ իրենց կանանց ավելի հաճախ սկսում ծաղիկներ նվիրել: «Ընտանեկան երջանկության գաղտնիքը կայանում է ոչ թե մեծ ու շքեղ նվերների մեջ, այլ միասին գեղեցիկ րոպեներ ապրելու մեջ»,- ասել է սոցհարցման կազմակերպիչներից մեկը:

Հարցեր, պատասխաններ, մեկնաբանություններ